Rajpipla news : શ્રી અંબુભાઇ પુરાણી હાઇસ્કુલ DLSS ની વિદ્યાર્થીનીઓએ વોલીબોલ ટુર્નામેન્ટ થકી જિલ્લાનું ગૌરવ વધાર્યું.
મહેસાણા ખાતે (પાંચોટ) યોજાયેલ SGFI રાજ્ય કક્ષાની વોલીબોલ ટુર્નામેન્ટમાં અન્ડર-U-17 નર્મદા ગર્લ્સએ બ્રોન્ઝ મેડલ મેળવ્યો.
રાજપીપલા, શનિવાર:- નર્મદા જિલ્લાનાની શ્રી અંબુભાઇ પુરાણી હાઇસ્કુલ DLSS વડીયા રાજપીપલામાં અભ્યાસ કરતી વિદ્યાર્થીનીઓ વોલીબોલની રમતમાં શાળા કક્ષાએ પગરવ માંડતા-માંડતા તાલુકા કક્ષા અને જિલ્લા કક્ષાની રમતમાં પસંદગી પામીને રાજ્ય કક્ષાની સ્પર્ધામાં ખૂબ જ ઉજ્જવળ પ્રદર્શન કરી રાજ્ય કક્ષાની સ્પર્ધામાં બ્રોન્ઝ મેડલ પ્રાપ્ત કર્યો છે.
તા.૨૫ ઓક્ટોબરના રોજ મહેસાણા (પાંચોટ) ખાતે યોજાયેલ SGFI રાજ્ય કક્ષાની વોલીબોલ ટુર્નામેન્ટમાં અન્ડર-U-17 નર્મદા ગર્લ્સએ બ્રોન્ઝ મેડલ મેળવ્યો છે. વિજેતા વિદ્યાર્થીઓને સંપૂર્ણ તાલીમ District level sports school (DLSS) કોચ લતાબેન અને ટ્રેનર્સશ્રી આશિષભાઈ પાસે મેળવી છે. આ સિધ્ધિ બદલ ગુજરાત વ્યાયામ પ્રચારક મંડળના મહામંત્રી શ્રી કરણસિંહ ગોહિલશ્રી, શાળાના આચાર્યશ્રી જીગેશભાઈ પટેલે અભિનંદન પાઠવી ભવિષ્યમાં અનેક સિધ્ધિઓ હાંસલ કરે તેવી શુભેચ્છાઓ પાઠવી હતી.
#rajpipla #infonarmdagog
